read the printed word! Proudly Pinoy!

Hurry Up 5:30

3

Posted by Whang | Posted in , , | Posted on Martes, Agosto 23, 2011


Define Monday…

Sabi nga ng isang kaibigan ko “Monday is the first day of slavery.”… madalas tama, minsan hindi.

Pero walang kinalaman ang post na ito sa slavery. Mahilig lang talaga ako umepal sa unahan ng posts. Ang nangyari kasi, wala na akong ginagawa. Sa medaling sabi, hinihintay ko nalang ang 5:30 para maka-uwi.

At dahil nakaka-inip maghintay ng uwian at nauso narin lamang ang pa-epalan sa post na ito, hayaan ninyong ibahagi ko sa inyo ang ginagawa ko tuwing wala na akong ginagawa.

4:54 Hindi ito ang unang pagkakataon na ginawa ko ang trip na ito. Madalas ko itong gawin noon tuwing naghihintay ako ng oras.

4:55 Sinusulat ko sa Japanese hiragana ang trip na ito dati. Mayroon kasi akong isang makulit na ka-opisina na basta nalang binabasa ang mga notes ko.

4:56 Matapos kong isulat sa Hiragana ang notes ko, minsan ako rin ang nahihirapang magbasa nito. Para akong grade  one tuwing tina-translate ko na yung sinulat ko kaya tinigilan ko narin ang pagsusulat sa Hiragana.

4:57 Kulay green ang interior ng opisinang pinapasukan ko.

4:58 Kulaygreen din ang patong-patong na folders sa table ko.

4:59 Ngayon ko lang napagtanto na madalas pala akong bumi-blend sa kulay ng opisina kasi karamihan ng damit ko ay kulay green. Takte yan!

5:00 Kung bakit green ang kulay ng loob ng opisina? Hindi ko alam. Ewan ko ba sa may pasimuno nito, masyadong green minded!... lels

5:01 Walang nakalagay na kahit anong matamis sa ibabaw man o sa ilalim ng table ko. Kaya nagtataka ako kung bakit  ang daming lumalabas na langgam mula sa kung saan. Takte!

5:02  July 22, 2011 sinabihan ako ng boss ko ng “good job”. Masarap pala talaga syang pakinggan lalo na pag di mo inaasahan.

5:03 Mahalaga sa akin ang paghihintay. Madalas kasi mas naa-appreciate ko ang isang bagay na matagal kong hinintay. (Yung mga matagal ko nang hinihintay magbigay ng birthday gift, Christmas gift at kung anu-anong gift… hindi pa po huli ang lahat… lels)

5:04 Hindi po ako naniniwala sa love at first sight. Dahil kung totoo yun eh di sana matagal nang na-inlove sakin si John Lloyd!

5:05 Nakakita na po ako ng totoong comet. Yung parang malaking star na akala mo may walis sa dulo (ganun po ang pagkaka-describe ko sa comet noong bata ako)

5:06 Noong bata ako gusto ko maging scientist. Akala ko kasi scientist ang tawag dun sa pumupunta sa outer space.

5:07 Grade 4 yata ako nun nang malaman ko na Astronaut ang tawag sa mga pumupuntang outer space.

5:08 Grade 6 naman ako nang malaman kong ang pinagtatrabahuan ng mga pumupuntang outer space ay madalas sa NASA.

5:09 Highschool na ako nang mapagtanto ko na hindi ako pwedeng magtrabaho sa NASA kasi may height requirement! Takte naman kasi.

5:10 Maniwala ka at sa hindi, marunong ako mag-sketch pero anime lang ang kaya kong i-drawing…

5:11 Isa ako nun sa mga naging panatiko ng Meteor Garden. Bago yun panatiko muna ako ng Dragon Ball at sampo pang kasanib ni Son Goku.

5:12 Madalas late akong pumasok ng school mula pa noong elementary kaya sanay akong dumaan sa bakod noon. Noon yun.

5:13 Wala akong bisyo. Kung may bagay man akong kina-adikan, iyun ay ang pagbabasa.

5:14 Yung librong Frankenstein ni Mary Shelley ang pinaka-hindi ko makakalimutan sa lahat ng binasa kong libro. Iyun lang kasi ang binasa ko ng tuloy-tuloy hanggang sa natapos (mula 6PM hanggang 7AM). Walang tulugan!

5:15 Noong bata ako, ewan ko ba, sinabi ko sa sarili ko na ayokong magkaroon ng boypren na politiko.

5:16 Ngayong malaki na ako ayoko ko paring magkaroon ng boypren na politiko. Ayoko din ng pulis, sundalo, marine o navy.

5:17 Mayroon akong gitara. Kulay pula. Noong nakaraang bwan ko lang sya nabili. Hanggang ngayon hindi ko parin alam kung paano ko sya gagamitin ng maayos.

5:18 Hindi ako mahilig sa emo na banda kaya nga hindi ko rin maipaliwanag kung bakit gustong-gusto ko ang kantang ‘Discovering the Waterfront’ ng Silverstein.

5:19 Tama na nga ang kashitan na ito. Malapit na ang uwian. Yay!

5:20 Sana basahin nyo parin ang mga susunod kung post pagkatapos nito. ^_^

5:21 P.S Baka maitanong ninyo kung anong koneksyon ng trip na ito sa larawan sa baba. Ang sagot po ay wala. Umepal lang din ang mga piglets na yan! ^^






You've Got Mail

2

Posted by Whang | Posted in , , , , | Posted on Biyernes, Hulyo 8, 2011

Noong nakaraang bwan lang nagbago ang tingin ko sa National Bookstore. Dati kasi pag binanggit mo sakin ang katagang “National Bookstore” ang pumapasok sa isip ko ay libro na may price. Hindi ko inasahan na pwede rin pala itong magsilbing post office kapag trip mong magparating ng liham sa isang tao…

Paano gawin?

Ganito ang ginawa ng kaibigan kong henyo noong minsang wala syang magawa…

Step 1 : syempre gumawa ka muna ng liham

Step 2 : Pumasok sa bookstore at maghanap ng shelf na bihirang puntahan ng tao.

Step 3 : Pumili ng librong bihirang basahin ng tao. (Yung pinili ng kaibigan ko ay isang makapal na kulay pulang Law Book… lol)

Step 4 : kung isiniksik mo ang sulat mo sa libro, tandaan mo ang pahina. Tandaan mo narin ang branch ng bookstore na pinuntahan mo.

Step 5 : I-text agad yung taong pinadalhan mo nung sulat. Ibigay ang exact location kung saan nakatago yung sulat mo para makuha na nya bago pa sya maunahan ng iba.

Alam ko medyo popcorn pero na-enjoy ko kasi ang trip na to… lol. Tuwing nakakakita ako gn bookstore naaalala ko ‘to.

Tanong : nakuha ko ba ang sulat na pinadala sakin gamit ang trip na ‘to?

Hmm... Wink... Pabitin effect !^0^





Mt. Gulugod Baboy (Experience Lang)

3

Posted by Whang | Posted in , , , | Posted on Miyerkules, Mayo 25, 2011




"SAAB"... yan ang napagkasunduan naming ipangalan sa team namin bago umakyat ng Gulugod Baboy. Hindi ko rin alam kung bakit iyon ang napili (brand name kasi yun ng Radar)... lol... Siguro tinamad lang talaga kaming mag-isip kaya Saab nalang --- madali nang tandaan, mukang maganda pang pakinggan.

Sabagay, wala naman yun sa pangalan. Ang importante na-enjoy namin ang pag-akyat at narating namin ang tatlong peak. Yeahba ^^

525 meters above sea level ang Gulugod Baboy. Tamang-tama para sa mga baguhang tulad namin. Hindi naman kasi talaga kami mountaineers! Sadyang magagala lang. Magagala na naghahanap ng magandang galaan matapos ang ilang buwang pakikipagtitigan kay computer at pakikipag-tuos kay DeltaV sa loob ng opisina.

Ilang araw at gabi rin akong na-excite nun bago natuloy ang akyat. Matagal-tagal rin kasi naming pinlano yun dahil iniiwasan namin ang ulan. Pero dahil napaka-unpredictable na ni Mother Nature, hindi rin kami tuluyang nakaligtas sa ulan. Sabi nga ni kaibigang Vin dahil daw yun sa nauusong Global Warming. ^^

Maganda naman ang panahon nung simulan namin ang hike. Mainit, asul ang langit na halos walang ulap. Sa kabila ng paghahabol ng hininga nagawa parin naman naming kumanta, magtawanan, magbiruan, at maligaw! Wala daw kasi masyadong dumadaan doon sa trail na sinusundan namin kaya medyo burado na sya.





Halos isang oras pa kaming naglakad at gumawa ng sariling daanan sa gitna ng mga talahib. Isa -isa kong tiningnan at pinakiramdaman ang mga kasama ko.

Si Dudung na kanina panay ang pagpapatawa, biglang nagseryoso at nanguna sa lakaran. Napansin ko na bumibilis ang lakad ni tukmol. Halatang ayaw maabutan ng dilim!

Si Gertz naman tahimik lang na nakasunod kay Dudung. Hindi sya nagsasalita, parang ang lalim ng iniisip! Sinubukan kong hulaan ang iniisip nya pero hindi ko nagawa... lol

Sa likuran ko naman ay ang reporter namin na si Panops. Hinihingal narin sya at tagaktak na ang pawis sa mukha. Kanina bini-video nya ang mahaba naming paglalakbay, pero nang lingunin ko sya hindi na nya hawak ang camera. Malamang nangalay na si tukmol.

Kasunod naman ni Panops si Ka Ghogie. Mukhang nag-e-enjoy si loko. Hindi nya alintana na naliligaw kami at mukhang nababasa ko ang sinisigaw ng utak nya. "PASSION! ITO ANG PASSION KO!!!"... lol... Sabagay hindi ko sya masisisi. Yung pagkaligaw kasi ay isa sa mga exciting na nangyari sa grupo.

Kasunod ni Ka Ghogie si Master Von. Gaya ni Panops ito daw ang unang beses na aakyat sya ng bundok. Hinihingal narin sya pero hindi nagrereklamo. At sa aming lahat, itong si Master Von lang ang may kakayahang magtext habang naglalakad paakyat ng bundok. Lufeet!

Higit dalawang oras na kaming naglalakad nun. Hindi ko alam kung gaano pa kalayo ang lalakarin namin. Basta ang alam ko, kailangan na naming magmadali bago pa kami tuluyang maabutan ng dilim.

Sa di malamang kadahilanan bigla kong naalala yung lolo na pinagtanungan namin ng direksyon nang magsimula kaming umakyat.

"Lo, san po ba ang daan papuntang Gulugod Baboy?" magalang na tanong ni Master Von sa matandang tahimik na nakaupo sa upuang kawayan.

"Nak-ow kalayo! Anim na kilometro pa ang lalakarin ninyo Utoy!"

Napangiti at napapa iling nalang ako sa naalala. Kasi naman.... malayo nga!




Tatlumpong minuto pa bago namin narating ang base camp at nakapag set up ng tent. Kaunti na lang ang nalalabing liwanag sa paligid.

Tatlumpong minuto ulit ang nagdaan bago tuluyang bumuhos ang napakalas na ulan. Sinabayan pa nina kulog at kidlat. Tila nagpapagalingan at nagpapalakasan pa ang tatlo kaya mabilis na napasok ng tubig ang mga tent namin. Nasubok pa tuloy ang husay namin sa paglilimas!... lol. Dahil narin dun kaya kumita sa amin ang katagang "papiga".




Heto pa ang isang hindi malilimutang experience--- yung moment na binalot ng ulap ang paligid. Yay! Nagtalo-talo pa kami kung ulap nga yun o fog lang. Sa huli nagkasundo rin kaming lahat na ulap nga yun.. lol



Heto naman ang tumambad sa amin sa ikalawang araw ng aming pagliliwaliw ^^... Ito ay kuha mula sa pangalawa at pinakamataas sa tatlong peak ng Gulugod Baboy. Priceless ang view ng sunrise na mukhang sunset ^^




Ito naman ay kuha mula sa pinakamababa sa tatlong peak. Dito nakipag-yakapan sa ulap si Dudung at lima pa nyang kasama... lol...




Hindi naman namin intensyon na gayahin ang logo ng "band of brothers". Gusto lang naming kunan ang sarili namin katabi nung puno, at ito ang kinalabasan... ^^



Ang paglalakbay pabalik sa tent. Kuha ni Dudung ^^... Wala na kaming paki-alam sa piktyuran dito habang naglalakad. Pero dahil passion daw ni Dudung yung photography kaya kami nagkaroon ng ganitong pic. ^^




Natatandaan ko isang linggo bago kami umakyat sabi ko gusto kong makita yung 3D version ng Naruto. Hindi ko inakala na sa Gulugod Baboy ko lang pala matutunghayan ang labanan nina Naruto at Mojo Jojo... lol..





Ito ang naging eksena nang ipinagtanggol ni AstroBoy si Mojo ^^... Hanep!




Bago umuwi nakahirit pa ng piktyur. Nakakapanghinayang kasing umuwi nang wala man lang pic ng summit ^^ . At last kompleto na kaming anim! Salamat sa tripod ni Ka Ghogie.




Nakakapagod, nakakatuwa, nakaka-buhay, nakaka-excite. Masarap matulog sa bahay tuwing weekends. Pero masaya din namang magpakapagod minsan sa labas. ^^
Experience lang.

Mabuhay!!!




Halina't Magsaya! Horaa...

0

Posted by Whang | Posted in , , , , , , , | Posted on Lunes, Pebrero 28, 2011

Halina’t magsaya mga ka-Teritoryo

Halina’t magsaya katapusan na ng Pebrero


Horaa! Horaa!


Samahan ninyo akong magsaya!


Kunin mo ang gitara, patunugin ang trumpeta


Buksan ang pinto’t bintana at sumigaw…


Horaa! Horaa!


Ang unang sahod ay nasa akin na!



50 Questions and Answers with Whang

0

Posted by Whang | Posted in , , , , , | Posted on Sabado, Pebrero 19, 2011

Ang mga sumusunod na katanungan ay hindi naman talaga itinanong kay Whang... Nagkataong ito lang ang essay topics ng pinsan nyang nagkataon ding nagpatulong sa kanya...

At iyong iba pang tanong, nabuo nalang din sa isipan nya nang hindi sinasadya! ^^

#1. Tell me something about yourself.
Hmmm sexy, sophisticated and has a beautiful voice!(Laugh)
#2. If you wake up one morning and discovered that you have turned into a male, what would you do?
Go to the hospital. Obviously there must be something wrong!
#3. Where do you see yourself in five years?
JEJU ISLAND! (na naka-capital letters na, naka-bold at Italics pa!)
#4. What if cows gave root beer instead of milk?
...palagi ko nang asahan na may lasing na bata!
#5. If a genie can make one wish come true today, what would you wish for?
...na sana magkatotoo yung iba ko pang wish! ^^

#6. If you can have anything in the world, what would it be?
I wanna have Doraemon so I can ask him to lend me his bamboo copter and the door of wonders... (Laugh)
#7. If you could break the Guinness Book of World Records, it would be for what?
Hmmm... "ang pinakamagandang nilalang sa balat ng lupa" title! (Laugh)
#8. What would you do if you can fly like a bird?
Eh di, fly like a bird! ^^
#9. What would you do if you found a magic wand?
Look for Hogwarts School of Witchcraft and Wizardry! ^^
#10. What would you do when you're on top of the world?
...close my eyes and feel the fresh air (^_^)
#11. Would you like to be a princess instead of yourself?
No... I'm already a princess
#12. If you can go anywhere you want, where will you go?
To the moon. I want to see how the Earth looks like from there.
#13. If you are an inventor what would you invent?
A "Mistake Indicating Controller" that comes with an alarm (para maiwasan ko nang magkamali sa exams...)
#14. First album you bought?
Korn Greatest Hits
#15. Best movie you've watched?
Three Idiots (simply the best!)
#16. If one day you wake up and found out that you've gone back to the middle ages, what would you do?
Hmm, sit back and relax! (Laugh)
#17. What would you do in a place where there is no television?
Stargazing! Titigan ko si Orion at unti-unti ko siyang susungkitin. ^.^
#18. If you were an animal, what kind of animal are you?
Uod... (marami kasing nagsasabing bookworm daw ako!)
#19. What is your favorite time of the day?
Mignight/Dawn... (mas tahimik kasi, mas nakakapag-isip ako ng maisusulat)
#20. Most precious possession?
Phillips GoGear, you are the best thing that's ever been mine!
#21. What would you do if you posses one Death Note?
Throw it! I don't want to see or buy apples for death gods.
#22. If you are a doctor, what kind of doctor will you be?
Dentist! na nagpo-protect ng teeth... ^^
#23. Favorite holiday season?
Christmas and New Year (kasi maraming chibugan!)
#24. Something that really bugs you?
Bugs! ^.^
#25. What is your motto?
If you like me raise your hand. If you don't, raise your standards!
#26. Favorite food?
kebab (yung third grade! Astiiig!) ^^
#27. Would you like to reach 100 years old?
Yup. Pero pag lumampas pa ako sa 100 baka patayin ko nalang ang sarili ko (Laugh)
#28. What would you do if you grow smaller and smaller?
bumili ng smaller dress ^.^
#29. If you are a car, what would you be?
Chevrolet Camaro... yung yellow! (Bumblebee?)
#30. If you could have been someone in history, who would you have been?
Jang Geum (kasi gusto ko gumaling magluto!)^.^
#31. If you could only take three people with you on a trip, who would you take and why?
Una, si Mr. Google para hindi ako maligaw. Pangalawa, si Doraemon para naroon na lahat ng kailangan ko. Pangatlo, si Tomo-chan para romantic! ^.^
#32. If you could live anywhere in the world, where would it be?
Verona, Italy... so I can be the modern Juliet... (Laugh)
#33. What would you do when you found gold bars in your backyard?
Eh di, tumalon sa tuwa!
#34. If you could do whatever you wanted to right now, what would you do?
Go to Taylor Swift's concert at Araneta... It's about to start! Kyaaa
#35. If you were lost in the woods and it got dark, what would you do?
...papakiusapan si Edward Cullen o kaya si Jacob Black na ihatid ako sa bahay! ^.^
#36. What would you do if it would really rain cats and dogs?
Hmm, I'd go crazy coz' it would be a crazy world! (Laugh)
#37. What if everyone wore the same clothes?
I'll master home economics... para ako lang ang naiiba ^.^
#38. What if you could walk up walls and across ceilings?
...enjoy walking on walls and ceilings while I can.
#39. If there's one person you would want to meet, who would it be?
yung crush ko... si Yamapi! ^.^
#40. What would happen if children ruled the world?
Then our world will become a childish world (Laugh)
#41. What would you do if you woke up in another country and no one understands you?
Hmmm, mapapa-cute nalang!
#42. What do you think the world needs now?
money! (Laugh)
#43. What would you do if you saw a ghost?
Run of course ^.^
#44. What would you like to have in your birthday party?
Hmm, yes, it's decided! I would want Pi---wrapped up as a present! (Laugh)
#45. If you could be a superhero, what powers would you like to have?
Son Goku's instant transmission... so I can be in Hawaii at day and Paris at night(na hindi inaalala ang pamasahe... ^^)
#46. What kind of TV commercial would you like to make?
basta yung may snow ^.^
#47. Favorite anime?
ONE PIECE!!!
#48. Favorite alcoholic drink?
biiru!!!
#49. Favorite writer?
Paolo Coelho
#50. Favorite book?
The Alchemist

Sa Tuwing Ikaw ay Napapapikit

0

Posted by Whang | Posted in , , , , , , , , , , , , | Posted on Huwebes, Pebrero 3, 2011

sa mga oras


na ika'y napapapikit,

ikaw ba ay

nag-iisip?

nagmumuni-muni?

nagpapahinga?

nagpaplano?

nagdedesisyon?

nagbibilang ng problema?

naghahanap ng solusyon?

nakikinig?

nakikiramdam?

nagsusuri ng sarili?

nagdadasal?

nagpapasalamat?

nagsisisi?

umiidlip?

o natutulog?


ano man ang iyong kasagutan,
sana ay panatag na ang iyong loob
sa pagmulat ng iyong mga mata.


Mabuhay! ^_^




Tonight, Tonight, Tonight

0

Posted by Whang | Posted in , , , , , , ,

ngayong gabi habang ako'y nakapikit

ako'y malayang naglalakbay sa loob ng aking isip

kung saan dalandan ang kulay ng langit

kung saan walang maganda at walang pangit

walang mabait at walang masungit

ngayong gabi habang ako ay nagtitiis sa sikip

teritoryo ko naman ay walang hanggan sa loob ng aking isipan

palasyo ang aking tahanan

soccer field ang aking bakuran

hardin ko lang ang buong ka-Maynilaan

ngayong gabi habang sa buwan ay nakatingala

sa isipan ako'y lumilipad sakay ng aking saranggola

pataas ng pataas ng pataas...

hanggang sa ang buwan ay narating ko

at doon pinagmasdan ang banayad na pag-ikot ng mundo

ngayong gabi habang ako ay nangangarap

habang ako ay nakapikit...

habang ako ay nagtitiis sa sikip...

ako'y nagdarasal...

sana'y makatulog na! sana'y makatulog na!




Utopian Dream

0

Posted by Whang | Posted in , , , , , , , , , , , , | Posted on Martes, Enero 18, 2011

come to me

man wearing the sandals with silver wings

save this damsel from boredom

come fly me to your land

rescue me

before i drown

save me from what smothers me

take this poison out of my veins

breathe into me

revive this devoured soul

send these tears to the depth of the earth

let new hopes come to life

heal the wounded heart

or replace it with a new one

a heart that never hates

a heart that never breaks

take this lost and empty ship

take it away from the eye of the storm

find it a nice place to land

guard it with your life 'til the perils are gone

let me be your strength in return

let me care for you, let me offer you a home

let me give you a name

let me take away your pain

but be gone before i come to love you young man

because you're just someone

from the tip of my pen

a product of just another

Utopian dream...


image courtesy of 10.Steps.sg

Previous
Related Posts Plugin for WordPress, Blogger...