read the printed word! Proudly Pinoy!

Amats

0

Posted by Whang | Posted in , , , | Posted on Biyernes, Oktubre 29, 2010

PUTIK sinta!

ano yaring ginagawa?

oras na ng pagtulog

subalit ang utak ay gumagawa parin ng tula?


Sadya ngang mapaglaro ang tadhana

sapagkat kung kailan limot na kita

ay saka ko pa nakita at nabasa

pangalan mong nakapaskil, nakasulat sa malalaking letra

kaibigan, ganap na enhinyero ka na pala!


nais kong batiin at kumustahin ka

subalit itong puso ay wala nang ginawa kung di mahiya

nais ko paring magpadala

ng kahit isang mensahe man lang sana

at sa puntong ito ay biglang naalala

na numero mo ay matagal na palang binura


ngayon, sa gitna ng dilim, puso ay nangungulila

mga alaalang nilimot ay muling nanariwa

ngayon ay hinahanap nang muli ang iyong pag-aalaga

marahil nga kaibigan,

sa iyo ay malakas parin ang aking tama


patawad kung hindi natupad

ang pangakong di ka na gagambalain pa

patawad kung ngayong gabi ay binabalikan kita


stupidong paskil na nagpapaalala

stupidong mga alaalang ayaw mawala

stupidong isipang ayaw mahimlay


nakakapagod,

nakakalungkot,

nakakaantok,


sana ay sa paggising mamayang umaga

ay tapos na ulit tayong dalawa...


Whew!

Mabuhay!


Picture by Sondos on DeviantArt



Kunwari

1

Posted by Whang | Posted in , , , , | Posted on Miyerkules, Marso 24, 2010

kunwari ga-graduate ka na
kunwari wala nang problema
kunwari hawak mo na diploma mo
kunwari isa ka nang ganap na inhenyero

kunwari di ka nahirapang maghanap ng trabaho
kunwari malaki na kinikita mo
kunwari napapag-aral mo na lahat ng kamag-anakan mo
kunwari hindi mo na problema ang pera!

kunwari sikat ka
kunwari in demand ka sa mga projects
kunwari mayaman ka na
kunwari boss kana

kunwari di ka na nagdi-dyip
kunwari may sarili kang sasakyan
kunwari hindi ka na nangungupahan
kunwari may sarili ka nang tahanan

kunwari!
kunwari lang naman
masaya na sana...
kunwari lang pala

balik tayo sa kasalukuyan...
tingnan mo ang orasan

kunwari maaga pa
kunwari mabilis ka kumilos
kumwari nakaligo ka na
kunwari hindi ka ma-le-late

kunwari lusot na
kaso kunwari lang pala

(para sa lahat ng mapag-kunwari... mabuhay!)







Palimos ng Syete Pesos

0

Posted by Whang | Posted in , , , , , , | Posted on Lunes, Marso 22, 2010

ako'y may kaibigan
hindi ko na papangalanan
ang hilig nyang magpa-rebond
ngayo'y limos ang kailangan!

"Palimos! Palimos!
para nyo nang awa
gusto ko nang umuwi
pabalik sa mahal kong asawa!"

ako'y shock sa kanyang mga sinabi
ito ba ay totoo?
ito ba ay tunay na nangyayari?
kaibigan kong maraming pangpa-rebond
ngayo'y nagsusumamo para mapagbigyan.

"Palimos! Palimos!
palimos ng syete pesos!
ipamamasahe ko sa tricycle
kung pagbibigyan mo'y ikaliligaya kong lubos."

nakakainis, nakakairita
hindi ko napigilang pagsabihan sya

"kaibigan huwag kang mag-alala
syete pesos na kulang ay pupunuan ko na
subalit sana sa susunod na ikaw ay may luho
isipin mo muna ang iyong bulsa.'

kilay nya'y tumaas!
sya ay nameywang at sumigaw " HOY WHANG!"

"kasalanan ko ba
kung sa wallet ko'y walang baryang nakakapa?
kung sa wallet ko'y pawang malulutong na isang libo lamang
ang iyong makikita?"








Dalagang Pilipina

0

Posted by Whang | Posted in , , , , , , | Posted on Huwebes, Marso 18, 2010

Sya!

Mabait. Maunawain. Mapagmahal Gwapo. Matalino.

Sana sya nalang ang price charming ko.

Kaso inosente parin sya sa damdamin ko.

Alangan namang ligawan ko???

:=(

Nagpapa-pampam,
Maria Clara




Ang Gulo Mo!

0

Posted by Whang | Posted in | Posted on Sabado, Enero 17, 2009

Minsan may mga sagot na sadyang magulo. Tulad na lang nito:

"Pare, ano na ba ang bago mong number?"

"Basta pare pag nag-text ako sayo, ako na yun!"



Hanggang sa Susunod na Pasko

1

Posted by Whang | Posted in | Posted on Huwebes, Disyembre 25, 2008

Nasaan ka ngayong Pasko?
Hindi na kita nakikita...
wala na akong balita sayo.
Kumusta ka na?
Merry Christmas nga pala!

Nakakatuwang kahit hindi na tayo nagkikita'y naaalala parin kita.

Le coeur a ses raison, que le raison connait point.

Ang sabi mo maganda ang meaning ng phrase na yan.
Bakit hindi mo sinabi sa akin ang ibig sabihin nyan?

Ilang minuto nalang ay magpapalit na ng petsa ang kalendaryo.
Simula ng bagong paghahanda sa susunod na Pasko.

Marahil ang susunod na Pasko'y mas masaya't mas nakakatuwa.
Marahil sa susunod na Pasko'y maaalala mo ako...
Pero sa susunod na Pasko, ang isip ko'y wala na sayo...

Namumuni-muni,
-X-




Panalo Na Naman Si Pacman

1

Posted by Whang | Posted in , , , , , , | Posted on Linggo, Disyembre 7, 2008

Boy_01: Sabi ng maraming Pilipino, nagiging tahimik daw ang buong bansa sa tuwing may laban ang pambansang kamao. Maayos ang daloy ng trapiko dahil karamihan ay nasa bahay lang (kung wala sa sinehan) nanonod ng laban ni Pacman sa kani-kanilang telebisyon.

Boy_02: Sabi rin nila nababawasan din daw ang bilang ng krimen tuwing may laban si Pacman. Pati daw kasi isnatser ay nagpapahinga (malamang ay nanonood din ng laban). Day-off kumbaga!

Boy_03: Hmmmm, ibig bang sabihin kung araw-araw magpapabugbog (o mangbubugbog) si Pacman sa boxing ring, araw-araw ding tahimik at mapayapa ang Pilpinas?



Ano ang Ibig Sabihin ng "Wala Lang"?

0

Posted by Whang | Posted in | Posted on Linggo, Nobyembre 9, 2008

Minsan ka na bang tinanong at sumagot ng "wala lang"?
Minsan ka na bang nagtanong at sinagot ng "wala lang"?

Hindi na bago sa dila ng mga bagong pinoy ang salitang wala lang. Kadalasan ay ginagamit itong pang-sagot sa isang tanong.

HALIMBAWA:
Tanong: Ano ang ginagawa mo?
Sagot: Wala lang.

Ito pang isa...

Tanong: Sinong iniisip mo?
Sagot: Wala lang.

Sa unang halimbawa, ang pagsagot ng wala lang ay maaaring nangangahulugang "huwag mo akong istorbohin!"

Sa pangalawang halimbawa, maaaring ito ay nangangahulugang "hindi mo kilala kaya huwag ka nang magtanong!"

Maraming ipinahihiwatig ang pagsagot gamit ang salitang wala lang. Ilan na rito ay ang mga sumusunod:
  • katamaran mag-isip
  • kawalan ng ideya kung ano ang isasagot
  • kawalan ng kasiguraduhan sa naisip na sagot
  • ayaw mong malaman nila ang sagot
Picture: Lips by KrejziSzeli on DeviantArt



Pasasalamat Para sa QuickSmash ni Boss

0

Posted by Whang | Posted in | Posted on Huwebes, Nobyembre 6, 2008

You have a security problem.

Your computer is at risk.

A virus is detected in your computer. Do you want to scan now?
(yes) (no)

Multiple threats detected.
(protect your PC now) (stay unprotected)

You have a security problem.

You have a security problem.


Kung iyan ang lalabas sa computer screen mo ng halos minu-minuto, ano ang gagawin mo? Ano ang mararamdaman mo?

Malamang mayayamot ka sa paulit-ulit na pag-close sa mga alert na iyan. At malamang ay sisimulan mo ring i-scan ang PC mo gaya ng ginawa ko. Pagkatapos ay susubukan mong i-heal ang virus na na-detect sa pamamagitan ng anti-virus na naka-install sa PC mo.

Nalaman ko'ng False Alert ang tawag sa virus na iyan.

Paano kung hindi iyan kayang i-heal ng anti-virus mo?

Lagot na!

Mabuti nalang at may Ampaw Smasher na... (*wink)

Salamat (ng naaapakalaki) sa Ampaw Smasher, gayon din sa utak na nasa likod nito.
Arigato Marco-sama...

Para sa karagdagang impormasyon, magpunta lamang DITO.



Teorya ng Ebolusyon?

10

Posted by Whang | Posted in , | Posted on Linggo, Nobyembre 2, 2008

"Ang tao ay posibleng nagmula sa unggoy!" ayon sa teorya ni Charles Darwin.

Mula sa Hominid Primates (25 milyong taon ang nakaraan), naging Homo Habilis na sinasabing gumawa ng mga kasangkapan at kagamitan mula sa bato at buto ng hayop (2.3 milyong taon ang nakaraan).

Naging Homo Erectus na pinaniwalaang unang gumamit ng apoy sa pagluluto at ang unang lahi umano na nakapaglakad ng tuwid (1.8 milyong taon ang nakaraan).

Naging Homo Neanderthalensis (250,000 years ago) bago naging Homo Sapiens (100,000 taon ang nakaraan hanggang sa kasalukuyan). Ang salitang Sapien ay nangangahulugang matalino.

At mula sa pagiging homo Sapiens...

...ito ang aking nakita...

Takte namannn!


Larawan mula kay Google




Next
Previous
Related Posts Plugin for WordPress, Blogger...