Nandito ako… sa kulay puting penthouse
Nakaharap sa kulay puting pisara…
Nakaupo sa kulay puting silya…
Nagsusulat sa notebook ko na nakapatong sa kulay puting mesa…
Walang aircon... ayos lang… mahangin naman…
Napatingin ako sa oras sa cellphone ko,
8:05, maaga pa!
Napangiti ako. Mula noong nagsimula ang training namin, hindi pa ako na-late kahit minsan.
Ayos!
Tumayo ako at nagtimpla ng kape sa kulay puting plastic cup
Habang naghihintay sa trainer namin, naisipan kong mag-soundtrip
Mabuti nalang at dala ko si Philips GoGear at fully charged sya!
Isinuot ko sa magkabilang tainga ang kulay puti kong headset na nakakabit sa kulay pula kong MP3 na nakasilid naman sa kulay brown kong bag na nakapatong sa kulay puting mesa na nasa loob ng kulay puting penthouse.
Nagsimula na namang mag-ingay si Taylor Swift.
Ewan ko ba! Lahat na yata ng kanta nya nasa MP3 ko na…
Mukhang nahawa na yata ako sa pagiging TSwift die hard ng pinsan ko.
Hindi ko rin alam kung paano at kailan ko nagustuhan si TSwift… (rakista kaya ako dati!)
Balik tayo sa penthouse…
Di ko namalayan, 10:17 na pala! Kaya naman pala nababagot na ako! Dapat kasi 8:30 ang simula ng training.
Nag-kape ulit ako---pantanggal antok…
Sa kawalan ng magawa, naisipan kong pagmasdan na lang ang nagtataasang building sa paligid namin.
Gusto ko silang bilangin lahat… pero tinamad ako!
Pinagmasdan ko naman ang langit. Puro clouds!... Kulay puti!
Nagpasya na lang akong gumawa ng tula…
Naka-dalawang tula ako!--- Astiiig!
Pero wala parin yung trainer--- yun ang hindi astig!
LUNCHBREAK!
Busog na ako at kasalukuyang inaantok dahil sa hangin na ibinubuga ng kulay puting electric fan na may pink na elesi.
Nakatulog ako… at nagising…
Wala parin ang hinihintay naming trainer kaya pinag-tripan ko namang bilangin ang mga switch at saksakan sa penthouse.
May isang switch sa tabi ng elevator. Tatlo sa may hagdanan. Isa sa CR. Dalawa sa gilid ng bintana. Isa sa likuran ko.
Walong switch!Walo rin ang saksakan.
End of trip.
Dahil nababagot ulit ako, hindi ko namamalayang yung eroplano naman pala ang napagdidiskitahan ko.
Simula kanina pagkakain, nakapagbilang na ako ng dalawampu’t isang eroplano sa langit…
Hanggang sa nagsawa rin ako sa kakabilang…
End of trip.
Pinagmasdan ko nalang ang mga kapwa ko trainee.
May mga nagkukwentuhan, pero di ko naririnig ang pinagkukwentuhan nila dahil nag-iingay parin si Taylor Swift sa tainga ko.
Tahimik lang akong nagmamasid hanggang sa napangiti ako dahil kay kuya na nagkasya na lang sa paggawa ng paper planes at paper duck dahil sa kabagutan!
Mas astig pala yung trip nya.
Yumuko nalang ako para itago ang ngiti ko… baka kasi mahalata ni kuya…
Soundtrip ulit. Ngayon nanaig na ang pagiging rakista ko… Motorhead na ang tumutugtog--- rock n’ roll!
Ipinikit ko na ang mga mata ko at sabay nag-isip
Na sana wala nalang ma-eliminate sa amin pagkatapos ng training!
Mabuhay! ^_^
Picture: Colors Dreaming by Mayoofka on Deviantart
